Glutenfrí

havrabrotbreyð

TILFAR
– til tvær bakiplátur
1 dl sólblómukjarnur
1 dl hørfrø
1 dl sesamfrø
0,5 dl graskarkjarnur
1 dl glutenfritt havragrýn
2, 5 dl vatn
0,5 dl olivenolju
3,5 dl glutenfrítt havramjøl
1 tsk. salt

Soleiðis gert tú

Tertubotnur

1. Set ovnin á 150 stig, heit luft.
2. Blanda allar kjarnur og frø saman við vatninum og oljuni og lat standa i ca. 20 min., soleiðis at kjarnur og frø súgva vatnið í seg.
3. Blanda síðani havragrýn, havramjøl og salt í blandingina og rør væl til tað hongur saman, deiggið er eitt sindur klistrut – sí mynd.
4. Deil deiggið í tvey og legg fyrst tað eina petti ímillum tvey bakipappír og rulla deiggið tunt út. Jú tunnari tú rullar deiggið, jú meira broyskin vera brotbreyðini.Endurtak við hinum deiggjpettinum.
5. Tak ovasta bakipappírið av og sker deiggið í fýrakantar (eg brúki ein pizzaskerara, tað ger tað sera lætt), soleiðis at brotbreyðini eru løtt at bróta sundur, tá tey eru liðug bakað.
6. Baka brotbreyðini í 60 min.

Terta

við kalkunfleski og soppum

TILFAR
Tertubotnur
50 g eplamjøl
50 g havramjøl
100 g glutenfrítt havragrýn
50 g bleytt smør
1 egg
1/4 dl vatn
1 tsk. salt

Tertufylla
200 g av blandaðum soppum
100 g kalkunflesk
1 reyðleyk
3 egg
2 dl róma
uml. ½ pakka av rivnum osti
salt og pipar
eitt sindur av maggi aroma

Soleiðis gert tú

Tertubotnur

1. Koyr alt tilfarið til tertudeiggið í eina rørimaskinu og rør væl, til deiggið samlast. Hevur tú ikki rørimaskinu, ber eisini til at brúka pískara við deiggjkrókum.
2. Legg deiggið á bakipappír, legg eitt bakipappír omaná og rulla út til ein tunnan runding.
3. Tak ovasta bakipappírið av, koppa deigginum niður á smurdan tertuform, trýst upp á pláss og tak síðani bakipappírið av. Prika allan botnin við gaffili.
4. Set tertubotnin í køliskáp í uml. 20 min.
5. Baka á 200° (heit luft) í 7 min.

Tertufylla

1. Sker kalkunflesk og soppar í smærri bitar og hita við pannu á miðal hita.
2. Sker reyðleyk í álir og koyr á pannuna saman við kalkunfleski og soppum.
3. Krydda við eitt sindur av salti og pipari og lat steikja í uml. 5 min.
4. Rør eggini og róman væl saman og krydda við salti, pipari og maggi aroma.
5. Koyr kalkunfleska-/soppa-/reyðleyksblandið í tertubotnin, oys eggja-/rómablandið útyvir og stroy tann rivna ostin omaná.
6. Baka á 200° (heit luft) í uml. 20 min.

Páskaostakøka

v/ lime og hylliblómu

Tilfarslisti

Vatnbakstur
75 g heslinøtur
75 g mandlur
75 g sukur
2 egg
50 g smelta smør
1 tsk. bakipulvur
1 tsk. vaniljusukur
eitt lítið sindur av salti

Ostafylla
300 g rómaost
200 g naturel skyr
75 g sukur
1 lime (saft + skal)
2 dl hylliblómusaft
4 husblas

Lime/sitrón krem
4 pasturiseraði egg
100 g smør skorið í smáar bitar
saftin úr tveimum sitrónum
saftin úr trimum limefruktum
125 g sukur
1 tsk. vaniljusukur

Soleiðis gert tú

Nøtubotnurin
Píska egg og sukur saman.
Blenda nøturnar í blendara.
Blanda salt, bakipulvur og vaniljusukur saman við blendaðu nøtunum og blanda í eggjaskúmið saman við smeltaða smørinum.
Koyr bakipappír í botnin á einum 20 cm diametur formi, smyr síðurnar við smøri.
Koyr síðani deiggið í og baka á 175 stigum í uml. 30 min.

Ostafyllan
Píska rómaost, skyr, sukur, limeskal og limesaft væl saman.
Koyr husblasbløðini í eina skál við køldum vatni og lat standa í uml. 7 min.
Hita hylliblómusaftina á lágum hita, tað skal ikki kóka, men blíva eitt sindur heitari enn lunkað.
Pressa síðani vatnið úr husblasinum og koyr í saftina, so tað upploysist.
Rør saftina varliga í ostafylluna so við og við.
Nú er klárt at koyra ostafylluna omaná nøtubotnin, tá hann er kølnaður.

Lime/sitrónkrem
Set ein bolla oman á eina grýtu við vatni í og set á miðal hita. Bollin má ikki nema vatnið.
Koyr sitrón og limesaft saman við pasturiseraðu eggunum, sukuri og vaniljusukuri í bollan og rør væl.
Koyr síðani smørbitarnar í blandingina og rør ofta til kremið tjúknar, tað tekur uml. 10 min.

Legg ostakøkuna saman
Tá nøtubotnurin er kølnaður, koyrir tú hann í aftur formin, og um tú vilt, kanst tú antin klippa bakipappír til ella nýta køkuplastfilm runt um botnin, soleiðis at tað liggur inn móti síðunum á forminum. Hetta er ikki altumráðandi men ger, at køkan er lættari at fáa úr forminum aftur og hon fær eisini penari linjur.

Stoyt síðani ostafylluna omaná botnin og lat kølna í 4 tímar ella til blandingin er stívnað. Smyr síðan ta nøgdina av lime/ sitrónkremi omaná, sum tú heldur er passaligt.

Pynta køkuna við t.d. smáum marengstoppum, beint áðrenn hon verður borðreidd.

Føstulávintsbollar

við kremi

Tilfar

Vatnbakstur
70 g glutenfrí havragrýn, blendað til mjøl
80 g eplamjøl
150 g smør
4 egg
3 dl vatn
½ tsk salt
2 tsk sukur

Kakukrem
1 posa kakukrem
5 dl mjólk

Rómakrem
2 dl kakukrem
4 dl róma
1 tsk vaniljusukur
1 spsk florsukur

Glasur
3 spsk kakao
6 spsk kóka vatn
75 g flormelis

Soleiðis gert tú

Vatnbakstur
Set ovnin á 200 stig (heit luft).
Koyr vatn, smør, salt og sukur í eina grýtu og lat koma uppá kók.
Blanda mjølini væl saman.
Tá vatn/smørblandingin kókar, koyrir tú alt mjølið í grýtina og rørur væl uml. ½ – 1 min á hitanum.
Tak grýtuna av hitanum og rør til deiggið sleppur grýtu og skeið og lat kølna eina løtu.
Koyr eitt egg í senn, í deiggi, og rør væl millum hvørt egg (tað ber eisini til at røra við el-pískara).
Forma vatnbaksturdeiggið til bollar, antin við tveimum skeiðum ella brúka sproytiposa (teir vaksa nógv, so lat tað vera sindur av plássi millum teir).
Baka í ca. 25 min. (tað er týdningarmikið at man ikki letur hurðina til ovnin upp, fyrr enn aftaná 15 min., tí annars kann vatnbaksturin fella saman. Aftaná 20-25 min. tekur man ein bolla út og um hann ikki fellur saman, so er vatnbaksurin bakaður nokk).
Sker eitt lítið hol í vatnbaksurbollarnar, tá teir eru liðugt bakaðir, fyri at fáa dampin út, og lat teir kólna á rist, áðrenn teir vera fyltir.

Kakukrem og glasur
Blanda kakukrempulvur og mjólk og rør væl.
Lat standa í 20 min. í køliskápi.
Píska róman saman við florsukuri og vaniljusukuri og blanda tað síðan saman við 2 dl av tí lidna kakukreminum.
Blanda florsukur, kakao og vatn saman til glasur.
Fyll vatnbaksturbollarnar við kakukremi og rómakremi.
Pynta við glasuri.

Glutenfríir gularótabollar

við kovaosti

Uml. 16 – 18 bollar

Tilfarslisti
3 dl lunkað vatn
1 tsk turrger
1 spsk fiber husk
1 spsk sólblómuolja
1 spsk ljósan siropp
400 g glutenfrítt mjøl:
100 g havramjøl
100 g maismjøl
200 g eplamjøl
1 tsk. salt
150 g fínt rivnar gularøtur
150 g kovaost

Soleiðis gert tú

1. Blanda lunkaða vatnið saman við olju, siroppi og fiberhusk og rør væl.
2. Lat standa til tað er blivið til gele, ca. 5-10 min.
3. Blanda rivnu gularøturnar og kovaostin í geleblandingina og rør væl.
4. Blanda alt mjølið við turrger og salti og rør væl saman.
5. Koyr mjølblandinga í deiggið so við og við og rør væl.
6. Lat ganga í 1 tíma.
7. Koyr eitt sindur av olju á fingrarnar og forma deiggið til bollar.
8. Lat ganga í 1 tíma.
9. Baka á 200 stigum í 20-25 min. (tá tú bankar á botnin á bollanum, skal tað ljóða opisligt(hult), so hava teir fingið nokk)
10. Lat bollarnar kólna í ½ tíma áðrenn teir verða skornir.

Havragrýnskøkur

við appilsinsmakki og rómaostakremi

Uml. 36 stórar ella 60 lítlar

Tilfarslisti
100 g smør
125 g sukur
50 g putursukur
1 egg
skal frá einari appelsin
6 spsk. appelsinsaft
150 g glutenfrítt havragrýn
1 dl glutenfrítt havramjøl (ella 1 dl glutenfritt havragrýn blendað til mjøl)
1 tsk. bakipulvur
200 g smeltað myrk sjokuláta

Rómaostakrem
200 g naturel rómaost
100 g flormelis
100 g kalt smør
1 tsk. vaniljusukur

Soleiðis gert tú

Havragrýnskøkur
Smelta smør á veikum hita.
Tá smørið er smeltað, blandast sukur, putursukur, appelsinskal og appelsinsaft væl í smørið.
Koyr síðan egg í og rør væl til tjúkt krem.
Blanda havragrýn, havramjøl og bakipulvur væl saman og rør í kremið.
Skeiða havragrýnskøkudeiggið á bakiplátu við eini teskeið.
Um tú ynskir stórar havragrýnskøkur er uml. ein tsk. deiggj nokk, og um tú ynskir lítlar, er tað ein hálv tsk. deiggj (køkurnar gerast uml. dubult so stórar tá tær eru bakaðar).
Hita ovnin til 200 hitastig og baka í uml. 7 min. um tað eru stórar køkur og uml. 5 min., um tað eru lítlar køkur.

Rómaostakrem
Koyr rómaostin, flormelis og kalda smørið í ein bolla og píska til kremið er stívt.

Set køkurnar saman
Tá havragrýnskøkurnar eru kølnaðar, smyr tú botnin á køkunum við smeltaðu sjokulátuni
Tá sjokulátan er stívnað, setir tú havragrýnskøkurnar saman tvær og tvær við at koyra rómaostakremið ímillum.