Øðrum uppskriftum

Hara í øli

2 persónar

Tilfar
½ hara, skorin í 3-4 partar
salt
2-3 dl øli
25 g smøri
eitt sindur av hveitimjøli
1 leyk, skorin i terningar
2 gularøtur, skornar í skivar
2 tsk timian
3 dl turrum hvítvíni
1 dl hindbærsaft
1-2 spsk ribsgelé

Arbeiðsháttur
Gníggja harustykkini við salti og koyr tey í ein frystiposa, fyll síðan ølið í, bint fyri, og lat liggja í køliskápi í 5 tímar.

Tak harustykkini úr posanum og goym ølið. Vend harustykkini í hveitimjølið.

Smelta helvtina av smørinum í eini steikigrýtu og brúnka harustykkini saman við smeltaða smørinum. Tak harustykkini upp, smelta restina av smørinum, og brúnka so leykin og gularøturnar saman við. Legg harustykkini í aftur steikigrýtuna, saman við leyki og gularótum, krydda við timian og stoyt ølið og hvítvínið í steikigrýtuna – lat smákóka í ein tíma.

Tá ið 10 min. eru eftir at steika, skal ribsgelé og hindbersaft koyrast í. Smakka til við salti.