Eg eiti Unn og búgvi í Keypmannahavn, har eg arbeiði við at tillaga talgildar loysnir til tørvin hjá brúkarunum.
Eg havi cøliaki/glutenviðkvæmi og havi tí gjørt bloggin glutenfrifoodie.dk, har tú kanst finna íblástur til góðan og leskiligan glutenfrían mat og bakstur.

Glutenfrí Sjoko rug Wannabe

Hesa uppskrift gjørdi eg, fyri trimum árum síðani, uml. 1 ár eftir, at eg hevði fingið staðfest cøliaki. Eg mungaði so illa eftir rugbreyðsbollum við sjokulátu, sum man kundi keypa frá bakaranum, men sum eg jú ikki kundi eta. So eg setti mær fyri at royna at gera eina uppskrift uttan gluten.

Eg datt fram á hana nú ein dagin og hugsaði, at nú fari eg at gera hana enn betri, tí nú havi eg enn fleiri royndir við at baka glutenfrítt. Bollarnir eru nógv luftigari…mums. Teir eru eisini sera væl egnaðir til matpakkan. Væl gagnist.

Far til uppskrift →

Glutenfríar vaflur

Hesar vaflurnar smakka so væl og so eru tær eisini skjótar at gera. Tað er skjótt at røra deiggið saman, og so tekur tað ikki leingi at baka tær. Um tú fært óvæntaðar gestir ella bara ynskir ein góðan drekkamunn, so eru tær eitt eyðsætt val.

Um tú ikki etur allar, so kann tú bara frysta tær til eitt seinni høvi og síðani hita tær í ovninum á lágum hita í fáar minuttir,
so eru tær sum nýbakaðar.

Far til uppskrift →

​Glutenfrítt hvítleyks/persillu breyð

Eg sakni viðhvørt at fáa leskiligt glutenfrítt breyð afturvið t.d. súpan ella grýturætti, tá hini sita og eta teirra breyð. T.d tá hini eta hvítleykslangbreyð, so hevði verið leskiligt at havt ein glutenfrían valmøguleika til okkum, sum ikki kunnu eta tað.

Far til uppskrift →

Glutenfrí rabarbu marsipan køka

Mmm…nakar annar, sum er líka glað/ur fyri rabarbur sum eg eri? Kanska ert tú ein av teimum hepnu, sum hevur rabarbur í garðinum? So er upplagt at gera hesa køkuna. Rabarba er ein av mínum yndis smakkum til køkur, tí hon gevur bæði ein søtan og súrligan smakk, akkurát sum mær dámar køkur best.

Far til uppskrift →

Glutenfrí sjokuláta mint køka

Hesa kundi eg líka so væl kallað Fazermint køka, tí tað eri eg rættuliga vís í, at tað er tað tit fara at hugsa um, tá ið tit smakka hana. Hon er gjørd við tilfari, sum er lætt at fáa fatur á og so kann man eisini væl býta tað tilfar, sum inniheldur mjólkarúrdrátt, um við vøru, sum er mjólkafrí – td. soyaróma og plantusmør. Um man ikki hevur cøliaki, so kann man eisini brúka vanligt havramjøl (ella blenda havragrýn).

Far til uppskrift →

Glutenfrí karamell- og heslinøtukonfekt

Eg elski karamell, sjokulátu og keks saman, men tað kan vera ringt at finna hesa samanseting glutenfría. Mmm, tú fert at hava hug at gera hesar konfektbitarnar umaftur og umaftur, so væl smakka teir.

Gleðilig jól til tín frá mær!

Far til uppskrift →