Vikuskiftistilboð

21. septembur – 23. septembur

og keyp Fiskarsvørur við avsláttri
frá 15. august til 9. desembur 2017

Á tilboð hesa vikuna

19. septembur – 23. septembur

Á blaðið

Høsnarungarestir á steikipannuna

Tað er neyvan bara hjá okkum, at høsnarungi ofta er eftir frá sunnudagsdøgurðanum. Við hesum rættinum fært tú brúkt restirnar og har við gjørt ein lættan og leskiligan rætt.

Høsnarungin og søteplini eru týdningamiklastu rávørurnar í hesum rættinum, men eigur tú ikki søtepli inni, sober til at verða kreativ/ur við øðrum tilfari. Minst bara altíð til at smakka til, áðrenn tú borðreiðir.

 

Matoyðsl-appin klár at brúka!

Í okkara stremban eftir at minka um matoyðsl, eru vit, sum fyrsta fyritøka í Føroyum, farin í samstarv við Too Good To Go.

Hettar merkir, at tú hevur møguleika at keypa ein sonevndan “Magic bag” gjøgnum appina Too Good To Go. “Magic bag” er ein posi, ið er umhvørvisvinarligur, og sum inniheldur matvørur, ið eru tættar at seinasta nýtslu- og/ella søludegi.

Innihaldið í posanum er ymiskt frá degi til dags og frá handli til handil. Tú kanst vænta, at onkrar av hesum vørum eru í posanum – frukt, grønmeti, pálegg og mjólkavørur. Tó kann onnur vøra enn omanfyrinevnda vera í posunum sum eyka.

Posarnir SKULU heintast í ásetta heintingartíðspunktinum, ið stendur í appini. Verða posarnir ikki heintaðir í hesum tíðspunkti verða teir givnir øðrum.

Takk fyri, at tú vilt hjálpa við at minka um matoyðsl 🙂

Les meira >

Frukt og grønt

Et grønt

Í sambandi við at Smyril Line hevur gjørt nýggja flutningsleið úr Hollandi, fáa Á handlarnir framyvir nýtt grønmeti til vikuskiftið.

Krás

Á handlarnir fáa kjøt frá Krás fimm ferðir um vikuna. Tað eru bara dygdarvørur, ið koma í kølidiskin við Krás stemplinum á.

Vistfrøði í Á

Vørur við samvitsku

Seinastu árini hevur keypsmynstrið broytt seg á tann hátt, at kundarnir seta størri krøv til vørunar og ynskja m.a. at vørurnar eru umhvørvisvinarligar. Tískil hava vit valt at fáa Grøn Balance í okkara vøruskrá.

 

Grøn Balance vørurnar hava høga góðsku, umframt at úrvalið er umhvørvisvinarligt og vistfrøðiligt. Grøn Balance arbeiðir miðvíst við at menna nýggjar vørur, ið í dag fevna um alt frá mati til reingerð.

Minka um matoyðsl

Vit ynskja at taka ábyrgd og gera ein mun, tí hava vit í Á-samtakinum sett okkum fyri at minka um matoyðsl við at stimbra undir eina hugburðsbroyting, og vit vóna, at tit vilja vera við!

 

Ein faldari við góðum ráðum um hvussu tú kanst goyma frukt og grønmeti, er sendur til hvørt hús í Føroyum. Faldarin er eisini tøkur í øllum Á handlum. Nýggja heimasíðan www.matoydsl.fo verður okkara pallur, tá ið tað snýr seg um matoyðsl.

Grøna virðislønin 2017

Í gjárkvøldið avgjørdi Tórshavnar Kommuna at lata Á-handlunum Grønu virðislønina 2017. Virislønin verður latin fyri appina Too Good To Go, ið er við til at minka um matoyðsl.

 

Grøna virðislønin hjá Tórshavnar kommunu verður latin stovni, virki, felagi, bólki ella einstaklingi, sum á onkran hátt hevur gjørt eitt hvørt umhvørvisvinarligt átak, verkætlan ella annað, sum er umhvørvinum at frama.

 

Á samtakið hevur verið við til at seta matoyðsl á dagsskránna í Føroyum. Matoyðsl er matur, ið kann etast, men sum verður tveittur burtur. Við appini Too Good To Go ber til at minka um matoyðsl við at forða at matur, ið er frískur og kann etast, endar í skrellispannini. Við appini ynskja Á handlarnir at minka um matoyðsl og harvið eisini minka um CO2 útlátið. Hettar er sera týdningarmikið fyri umhvørvið. Harumframt hava Á handlarnir stimbra undir eina hugburðsbroyting, ið er týdningarmikil, tá ið tað kemur til matoyðsl hjá okkum øllum. Av hesi orsøk vilja vit handa Grønu virðislønina 2017 til Á handlarnar.

 

Vit í Á handlunum eru sera errin av hesum prísi, og vit vilja takka fyri góðu undirtøkuna, ið okkara átak, minka um matoyðsl, hevur fingið.

 

Stóra takk fyri 🙂