Hjarta lagkøkan

Køkubotnar
4 egg
150 g sukur
150 g mjøl
1 tsk bakipulvur

• Set ovnin á 200°
• Píska egg og sukur til ein luftigan eggjasnaps
• Blanda mjøl og bakipulvur saman og stroy tað í eggjasnapsin og vend tað spakuliga saman
• Koyr alt deiggið í ein smurdan form og skumpa deiggið út í kantarnar, so tað er minni av deiggi í miðjuni. Soleiðis sleppur tú undan at køkubotnurin er hægri í miðjuni, tá hann er bakaður
• Baka botnin niðast í ovninum, í uml. 30 min.
• Tak botnin úr ovninum og legg hann at kólna á einari rist
• Aftaná skert tú botnin tvørturum, so tað nú eru tveir eins lagkøkubotnar

Køkukrem
4 egg
100 g sukur
2 tsk vaniljusukur
60 g maizena
5 dl mjólk
5 dl róma

• Píska egg og sukur væl saman, so tað verður gult og skúmandiKoyr maizena í og píska aftur
• Kóka mjólkina og vaniljusukrið, men rør í alla tíðina, soleiðis at mjólkin ikki brennir
• Koyr nú heitu mjólkina í saman við eggjablandinum ímeðan tú pískar.
• Nú skal eggjablandið aftur í grýtuna og koma upp á kók, ímeðan tú rørir í við einum pískirísi.
• Nú er kremið blivið tjykkri og verður sett á køl.
• Píska róman fyri seg og vend honum saman við køkukreminum í smáum mongdum
• Koyr kremið í ein sproytiposa

Pynt
Jarðber
Marengstoppar
Skúmgæti
Kinder bueno sjokuláta

• Legg ein botn á fatið, tú vilt borðreiða køkuna á
• Sproyta eitt tjúkt lag av køkukremi omaná
• Stroy Kinder bueno sjokulátu útyvir
• Legg seinna botnin omaná og sproyta aftur eitt tjúkt lag av køkukremi útyvir
• Nú er bert eftir at prýða við skornum jarðberum, marengstoppum, skúmgæti og Kinder bueno sjokulátuni