Jarðberjaterta

Jarðberjaterta

af | aug 24, 2018 | Glutenfri Foodie

Eg elski jarðber og hendan jarðberjatertan er ein av mínum yndiskøkum, sum eg ofta geri tá okkurt lekkurt skal á borðið. Tað er ein mazarinbotnur, ið er bleytur og lekkur, og hann er smurdur við sjokulátu, køkukremi og jarðberum omaná – MUMS!

Glutenfrí

Jarðberjaterta

TILFAR
150 g mandlur
100 g uttan skal
50 g við skali
200 g bleytt smør ella kalt plantumargarin
200 g sukur
3 egg
65 g eplamjøl
50 g flormelis
100 g myrk sjokuláta
500 g jarðber
1 posa køkukrem frá Dr. Oetker (tað er glutenfrítt)
5 dl mjólk til at blanda í køkukremspulvurið
1 dl róma

 

Soleiðis gert tú

  1. Tendra ovnin á 150 stig fyrst.
  2. Koyr 100 g av mandlum í eina skál, koyr kókað vatn útyvir til tað dekkar mandlurnar og lat standa í 3-5 min. Endurtak einaferð avtrat.
  3. Koyr vatnið úr skálini og tak skalið av mandlunum. Legg mandlurnar í eitt fat og koyr í ovnin í 10-15 min., til mandlurnar eru heilt turrar. Lat tær kólna við at leggja tær í frystiboksina eina løtu (uml. 10 min).
  4. Set ovnin á 180 stig.
  5. Blenda nú mandlurnar, uttan skal og tær við skali, í blendara til mjøl.
  6. Koyr florsukurið og sukur í blendaran og blenda aftur til alt er væl saman blandað, bara nøkur fá sekund, ikki neyðugt meir enn tað.
  7. Rør mandlumjølið saman við smørinum/plantumargarininum til tað er væl blandað.
  8. Píska 1 egg í blandingina so hvørt.
  9. Síla mjølið í deiggið og rør varisliga runt.
  10. Koyr deiggið í ein smurdan tertuform (uml. 30 cm diametur) og baka í 25 – 30 min. Lat kólna í 20 min.
  11. Smelta sjokulátu, smyr útyvir botnin og stilla botnin í køliskápið til sjokulátan er stívnað. Ger køkukrem og jarðber klár ímeðan.
  12. Rør mjólkina við pulvurinum frá einum posa av køkukrempulvuri og lat standa í 20 min. í køliskápinum. Píska róman ímeðan og rør hann saman við køkukreminum tá 20 min. eru farnir.
  13. Sker jarðberini í flísar og byrja at leggja jarðberjaflísarnar uttast á køkuni og so í ring inn móti miðjuni.

Prei

Um man hevur smáar formar ber eisini til at gera smáar tertur. Tað fáast uml. 10-12 tertur burturúr hesum deigginum, um man hevur tertuformar, sum eru 8 cm í diametur.

Um Unn

Eg eiti Unn og búgvi í Keypmannahavn, har eg arbeiði við at tillaga talgildar loysnir til tørvin hjá brúkarunum.
Eg havi cøliaki/glutenviðkvæmi og havi tí gjørt bloggin glutenfrifoodie.dk, har tú kanst finna íblástur til góðan og leskiligan glutenfrían mat og bakstur.

Clubsandwich

Clubsandwich

af | jul 25, 2018 | Glutenfri Foodie

Hendan tvíflísin er sera væl egnað til tann góða matpakkan, tá summardagarnir vera brúktir til góðar útferðir, telttúrar ella bara ein góðan gongutúr út í hagan. Dagurin gerst bara eyka góður tá man veit at ein góður matpakki bíðar einum.

Glutenfríur

Clubsandwich

TILFAR
10 tvíflís breyð
5 dl lunka vatn
150 g rivnar gularøtur
2 spsk fiberhusk
0,5 dl hørfræ
1 dl sólblómukjarnur
3 egg
1 dl olivenolja
1 spsk æblecideredikk
1,5 tsk hunang
1 tsk salt
200 g majsmjøl
150 g eplamjøl
50 g glutenfrítt havramjøl
50 g glutenfrítt havragrýn
1 tsk turrger

4 Club tvíflísir
4 tvíflísbreyð
2-3 stórar høsnarungabringur
1/2 reyðleyk skorin í tunnar ringar
2 tomatir skornar í flísar
1 hjartasalat
súltaðar agurkur
ca. 1/2 til 1 pk. flesk

Kryddlaki
1 spsk dijon sinnopp
1 spsk olivenolju
1 hvítleyksfet
1/2 tsk. timian
salt og pipar

Dressingur
1/2 fínt rivnan reyðleyk
4 spsk súrróma
2 spsk majones
2 tsk. karry
1/2 tsk. sukur
eitt dism av salti

 

Soleiðis gert tú

Tvílfís breyð

  1. Blanda vatn, gularøtur og fiberhusk saman og rør væl og skjótt. Koyr fræ og kjarnur í og rør aftur væl.
  2. Koyr síðani egg, olivenolju, hunang, æblecideredikk og salt í og rør í uml. 3 min.
  3. Blanda øll mjøl, havragrýn og turrger væl saman; koyr í deiggið og rør í uml. 10 min.
  4. Lat ganga í 2 tímar.
  5. Set ovnin á 250 stig.
  6. Koyr glutenfrítt havramjøl ella majsmjøl út á borðið og legg deiggið omaná.
  7. Trýst deiggið flatt til uml. 3 cm. hædd og sker deiggið í fýrakantar.
  8. Tak nú ein fýrakant ísenn, legg á bakiplátu klødd við bakipappíri og trýst hann flatan til uml. 1,5 cm hædd.
  9. Baka í 10 min. á 250 stigum, set hitan niður á 200 stig og baka víðari í uml. 20 min.
  10. Lat breyðini kólna í uml. 1/2 tíma, áðrenn tú skerur í tey.

Club tvíflís

  1. Sker høsnarungabringurnar tvørturum, soleiðis at ein bringa blívur til uml. 3 tunnar bringur.
  2. Blanda tilfarið til kryddlakan, legg høsnarungan í og lat standa í ½ tíma.
  3. Steik fyrst fleskið broyski og síðani høsnarungabringurnar á pannuni í uml. 4 min á báðum síðum.
  4. Blanda tilfarið til dressingin.
  5. Samla tvíflísina við at smyrja breyðini við dressinginum og fyll tvíflísina við høsnarungabringu(m), fleski, leyki, salatbløðum, tomat og súltaðum agurkum.

Prei

Hugskot til aðra tvíflís fyllu er tunmousse ella laksamousse og deiggið kann eisini brúkast til bollar, sum kunnu bakast á sama hita og somu tíð, bara forma til bollar ístaðin fyri tvíflís.

Um Unn

Eg eiti Unn og búgvi í Keypmannahavn, har eg arbeiði við at tillaga talgildar loysnir til tørvin hjá brúkarunum.
Eg havi cøliaki/glutenviðkvæmi og havi tí gjørt bloggin glutenfrifoodie.dk, har tú kanst finna íblástur til góðan og leskiligan glutenfrían mat og bakstur.

Glutenfrí müslibrot

Glutenfrí müslibrot

af | jun 18, 2018 | Glutenfri Foodie

Hesi glutenfríu müslibrotini eru perfekt til tí lítlu svongdina, til matpakkan ella sum eitt sunnari val tá man hevur hug til okkurt søtt. Tey eru løtt at gera og smakka sera væl. Um man dámar betri aðrar nøtir og kjarnur enn heslinøtir og graskarkjarnur, so kunnu tær sagtans býtast um við aðrar, bara í somu mongd. Sama er galdandi fyri berini.

Sunnari

glutenfrí müslibrot

TILFAR
100 g kokusolja
50 g hunangur ella ahornsirop
2 tsk vaniljusukur
200 g glutenfrí havragrýn
75 g heslinøtir
60 g tranaber
0,5 dl graskerkjarnur
eitt dism av salti

 

Soleiðis gert tú

  1. Set ovnin á 175 stig.
  2. Koyr heslinøtirnar i eitt fat og set í ovnin í uml. 10 min.
  3. Koyr síðani nøtirnar i eitt fat við loki og rist væl, til tú sært at næstan alt skalið av heslinøtunum er farið av.
  4. Hakka heslinøtirnar groft.
  5. Set eina grýtu á lágan hita og koyr kokusolju, hunang og vaniljusukur í.
  6. Tá alt er smelta koyrir tú havragrýn, hakkaðu heslinøturnar, graskarkjarnur, tranuber og salt í og rør væl, soleiðis at kokusolja og hunangur er blanda væl saman við restini av tilfarinum.
  7. Koyr bakipapír í ein form (eg brúkti 26×15 cm), koyr müslibrotblandingina í og pressa blandingina flata, soleiðis at hon er javnt býtt út í forminum.
  8. Baka á 125 stig í uml. 1 tíma.
  9. Lat kølna í 15 min. á rist, og sker út í stykkir. Kann halda sær í uml. 1 viku í køliskápi.

Prei

Um tað skal gerast eyka søtt, so er eisini lekkurt at koyra smáar sjokuláta knappar í, ístaðin fyri turkaða frugt ella smelta nougat yvir vatnbað og síðani stoyta tað omaná tá müslibrotini eru bakað.

Um Unn

Eg eiti Unn og búgvi í Keypmannahavn, har eg arbeiði við at tillaga talgildar loysnir til tørvin hjá brúkarunum.
Eg havi cøliaki/glutenviðkvæmi og havi tí gjørt bloggin glutenfrifoodie.dk, har tú kanst finna íblástur til góðan og leskiligan glutenfrían mat og bakstur.

Glutenfrí havrabrotbreyð

af | maj 28, 2018 | Glutenfri Foodie

Tey smakka so sera væl, eru fylt við nógvum góðum kjarnum og fræum, og so eru tey sera løtt at gera. Brotbreyð eru eisini ordiliga deilig at hava við í matpakkan ella tá man skal út at eta á einum staði, har tey ikki hava glutenfrí breyð.

Glutenfrí

havrabrotbreyð

TILFAR
– til tvær bakiplátur
1 dl sólblómukjarnur
1 dl hørfrø
1 dl sesamfrø
0,5 dl graskarkjarnur
1 dl glutenfritt havragrýn
2, 5 dl vatn
0,5 dl olivenolju
3,5 dl glutenfrítt havramjøl
1 tsk. salt

Soleiðis gert tú

Tertubotnur

  1. Set ovnin á 150 stig, heit luft.
  2. Blanda allar kjarnur og frø saman við vatninum og oljuni og lat standa i ca. 20 min., soleiðis at kjarnur og frø súgva vatnið í seg.
  3. Blanda síðani havragrýn, havramjøl og salt í blandingina og rør væl til tað hongur saman, deiggið er eitt sindur klistrut – sí mynd.
  4. Deil deiggið í tvey og legg fyrst tað eina petti ímillum tvey bakipappír og rulla deiggið tunt út. Jú tunnari tú rullar deiggið, jú meira broyskin vera brotbreyðini.Endurtak við hinum deiggjpettinum.
  5. Tak ovasta bakipappírið av og sker deiggið í fýrakantar (eg brúki ein pizzaskerara, tað ger tað sera lætt), soleiðis at brotbreyðini eru løtt at bróta sundur, tá tey eru liðug bakað.
  6. Baka brotbreyðini í 60 min.

Prei

Tað er eisini lekkurt at drússa salt, kanel ella annað krydd omaná brotbreyðini, beint áðrenn tey skulu inn í ovnin, so kann man geva teimum eyka smakk alt eftir hvat einum dámar best. Um man brýtur tey sundur í smærri hóska tey seg eisini væl at koyra í salatir.

Um Unn

Eg eiti Unn og búgvi í Keypmannahavn, har eg arbeiði við at tillaga talgildar loysnir til tørvin hjá brúkarunum.
Eg havi cøliaki/glutenviðkvæmi og havi tí gjørt bloggin glutenfrifoodie.dk, har tú kanst finna íblástur til góðan og leskiligan glutenfrían mat og bakstur.

Glutenfrí terta

af | apr 23, 2018 | Glutenfri Foodie

Hendan tertan er løtt at gera og smakkar so sera væl. Eitt gott hugskot til bæði nátturða, miðmála ella at hava við í matpakkanum. Umframt at terta smakkar væl, so gevur hon eisini møguleika fyri, at fyllan kann broytast, alt eftir hvat man hevur hug til.

Terta

við kalkunfleski og soppum

TILFAR
Tertubotnur
50 g eplamjøl
50 g havramjøl
100 g glutenfrítt havragrýn
50 g bleytt smør
1 egg
1/4 dl vatn
1 tsk. salt

Tertufylla
200 g av blandaðum soppum
100 g kalkunflesk
1 reyðleyk
3 egg
2 dl róma
uml. ½ pakka av rivnum osti
salt og pipar
eitt sindur av maggi aroma

Soleiðis gert tú

Tertubotnur

  1. Koyr alt tilfarið til tertudeiggið í eina rørimaskinu og rør væl, til deiggið samlast. Hevur tú ikki rørimaskinu, ber eisini til at brúka pískara við deiggjkrókum.
  2. Legg deiggið á bakipappír, legg eitt bakipappír omaná og rulla út til ein tunnan runding.
  3. Tak ovasta bakipappírið av, koppa deigginum niður á smurdan tertuform, trýst upp á pláss og tak síðani bakipappírið av. Prika allan botnin við gaffili.
  4. Set tertubotnin í køliskáp í uml. 20 min.
  5. Baka á 200° (heit luft) í 7 min.

Tertufylla

  1. Sker kalkunflesk og soppar í smærri bitar og hita við pannu á miðal hita.
  2. Sker reyðleyk í álir og koyr á pannuna saman við kalkunfleski og soppum.
  3. Krydda við eitt sindur av salti og pipari og lat steikja í uml. 5 min.
  4. Rør eggini og róman væl saman og krydda við salti, pipari og maggi aroma.
  5. Koyr kalkunfleska-/soppa-/reyðleyksblandið í tertubotnin, oys eggja-/rómablandið útyvir og stroy tann rivna ostin omaná.
  6. Baka á 200° (heit luft) í uml. 20 min.

Prei

Til ber eisini at býta sopparnar um við t.d. høsnarungabitar, brokkoli, skinku ella okkurt heilt fjórða, so er tað ein heilt onnur terta, men minst líka lekkur.

Um Unn

Eg eiti Unn og búgvi í Keypmannahavn, har eg arbeiði við at tillaga talgildar loysnir til tørvin hjá brúkarunum.
Eg havi cøliaki/glutenviðkvæmi og havi tí gjørt bloggin glutenfrifoodie.dk, har tú kanst finna íblástur til góðan og leskiligan glutenfrían mat og bakstur.