Glutenfríar jólasmákøkur

Glutenfríar jólasmákøkur

af | dec 17, 2019 | Glutenfri Foodie

So er desember og aftur tíð til jólahugna og bakstur. Einki er so hugnaligt sum jólatíðin og tá hoyrir seg sjálvandi tann søti baksturin. Síðan eg fekk cøliaki havi eg hvørt ár roynt meg við at funni glutenfríar jólauppskriftir, sum smakka eins væl og tær ”vanligu”.

Hetta er ein nýggj uppskrift, sum eg ikki havi roynt áður og hon eydnaðist avbera væl. Eg havi pyntað smákøkurnar við at stroya knúst Bismarck bomm út yvir tær, beint sum tær eru komnar úr ovninum. Tú kann eisini nýta onnur bomm, um tú heldur vilt. Eg vænti, at lakress bomm eisini høvdu
høska seg sera væl.

Glutenfríar

jólasmákøkur

v/marsipan og nougat

Tilfar

  • 150 g nougat
  • 100 g sukur
  • 100 g putursukur
  • 200 g smør
  • 125 g rivið marsipan
  • 200 g glutenfrítt havramjøl
  • 75 g eplamjøl
  • 2 eggjablommur
  • 1 tsk bakipulvur

Soleiðis gert tú

  1. Legg nougat í frystiboksina í uml 15 min. so tú fært skorið tað í smáar fýrakantaðar bitar, uttan at tað smeltar ella morlast.
  2. Smelta smør, sukur og putursukur í grýtu og rør, so alt blandast væl saman.
  3. Rør eggjablommurnar í.
  4. Blanda havramjøl, eplamjøl og bakipulvur saman og vend í smør/sukur blandingina.
  5. Lat deiggið kølna eitt sindur og vend síðani tað rivna marsipanið og tað skorna nougatið í deiggið.
  6. Koyr deiggið i tvey og rulla til pylsur við at leggja tað í húsarhaldsfilm. Legg í frystiboksina í uml 20/30 min.
  7. Set ovnin á 175° heit luft.
  8. Sker deiggið í flísar, legg á bakiplátu og baka í uml. 10 min.

Prei

Eg havi pyntað smákøkurnar við at knúsa bismarck bomm. Um tú kundi hugsað tær ein annan smakk, so hevði eg roynt meg við lakress bommi.

Um Unn

Eg eiti Unn og búgvi í Keypmannahavn, har eg arbeiði við at tillaga talgildar loysnir til tørvin hjá brúkarunum.
Eg havi cøliaki/glutenviðkvæmi og havi tí gjørt bloggin glutenfrifoodie.dk, har tú kanst finna íblástur til góðan og leskiligan glutenfrían mat og bakstur.

Sjoko rug Wannabe

af | okt 28, 2019 | Glutenfri Foodie

Hesa uppskrift gjørdi eg, fyri trimum árum síðani, uml. 1 ár eftir, at eg hevði fingið staðfest cøliaki. Eg mungaði so illa eftir rugbreyðsbollum við sjokulátu, sum man kundi keypa frá bakaranum, men sum eg jú ikki kundi eta. So eg setti mær fyri at royna at gera eina uppskrift uttan gluten.

Eg datt fram á hana nú ein dagin og hugsaði, at nú fari eg at gera hana enn betri, tí nú havi eg enn fleiri royndir við at baka glutenfrítt. Bollarnir eru nógv luftigari…mums. Teir eru eisini sera væl egnaðir til matpakkan. Væl gagnist.

Glutenfrí Sjoko rug Wannabe

Tilfar
2 tsk. turrger
3 dl vatn
3 dl mjólk
2 tsk. sukur
75 g glutenfrítt havragrýn
200 g glutenfrítt havramjøl
75 g majsstívilsi
20 g fiberhusk
75 g knústar mandlur
50 g hørfræ
50 g sesamfræ
1 tsk. borðsalt
150 g sjokuláta

 

Soleiðis gert tú

  • Hita mjólk og vatn í eini grýtu til tað er lunkað.
  • Koyr vætuna í ein bolla ella rørimaskinu, koyr ger og sukur í og rør skjótt runt. Lat standa í 10 min. við viskustykki omanyvir.
  • Sker mandlurnar og sjokulátuna í minni bitar og blanda saman við restini av tí turra tilfarinum.
  • Eftir teir 10 min. blandar tú tað turra við tí váta tilfarinum og rørir væl, til deiggið er væl elt saman.
  • Lat deiggið ganga í 1 tíma.
  • Set ovnin á 225 stig (heitluft) við tveimum bakiplátum inni í, so tær gerast heitar. (uml 15 min. áðrenn deiggið er liðugt at ganga.)
  • Tá deiggið er liðugt at ganga, formar tú tað til bollar. Ansa eftir ikki at kroysta ov nógva luft úr deigginum – eg plagi at skera deiggið sundur í smærri bitar til bollar.
  • Legg bollarnar á bakipappír, sum tú síðani togar yvir á heitu bakipláturnar og setur inn aftur í ovnin.
  • Baka í 10 min. á 225 stigum og síðani 10 min. afturat á 200 stigum. Lat kølna uml ½ tíma áðrenn tú skerur ella etur teir.

Prei

Tað ber eisini til at koyra t.d. bláber í, ístaðin fyri sjokulátu, men so hevði eg koyrt bláberini í, beint sum alt deiggið er elt væl saman og áðrenn tað skal setast at ganga.

Um Unn

Eg eiti Unn og búgvi í Keypmannahavn, har eg arbeiði við at tillaga talgildar loysnir til tørvin hjá brúkarunum.
Eg havi cøliaki/glutenviðkvæmi og havi tí gjørt bloggin glutenfrifoodie.dk, har tú kanst finna íblástur til góðan og leskiligan glutenfrían mat og bakstur.

Glutenfríar vaflur

Glutenfríar vaflur

af | sep 17, 2019 | Glutenfri Foodie

Hesar vaflurnar smakka so væl og so eru tær eisini skjótar at gera. Tað er skjótt at røra deiggið saman, og so tekur tað ikki leingi at baka tær. Um tú fært óvæntaðar gestir ella bara ynskir ein góðan drekkamunn, so eru tær eitt eyðsætt val.

Um tú ikki etur allar, so kann tú bara frysta tær til eitt seinni høvi og síðani hita tær í ovninum á lágum hita í fáar minuttir,
so eru tær sum nýbakaðar.

Glutenfríar vaflur

Uml. 10 vaflubundi
125 g sukur
2 egg
2 tsk vaniljusukur
2 tsk bakipulvur
150 g glutenfrítt havramjøl
100 g fínt maismjøl
100 g eplamjøl
150 g smør
5 dl mjólk

 

Soleiðis gert tú

  • Smelta smørið
  • Blanda øll mjølsløgini og bakipulvurið væl saman
  • Rør sukur, egg og vaniljusukur væl saman
  • Koyr tað smeltaða smørið og mjólkina í eggja/sukur-blandingina og rør væl
  • Koyr síðani mjølið so við og við í, ímeðan tú rørir soleiðis at ongir klumpar eru í deigginum.
  • Lat deiggið standa og hvíla í 15 min.
  • Nú er klárt at baka vaflurnar – legg tær á rist tá tær eru bakaðar, so tær kólna eitt sindur áðrenn tú stáplar tær.

Um Unn

Eg eiti Unn og búgvi í Keypmannahavn, har eg arbeiði við at tillaga talgildar loysnir til tørvin hjá brúkarunum.
Eg havi cøliaki/glutenviðkvæmi og havi tí gjørt bloggin glutenfrifoodie.dk, har tú kanst finna íblástur til góðan og leskiligan glutenfrían mat og bakstur.

Hvítleyks-persillu breyð

af | jun 24, 2019 | Glutenfri Foodie

Eg sakni viðhvørt at fáa leskiligt glutenfrítt breyð afturvið t.d. súpan ella grýturætti, tá hini sita og eta teirra breyð. T.d tá hini eta hvítleykslangbreyð, so hevði verið leskiligt at havt ein glutenfrían valmøguleika til okkum, sum ikki kunnu eta tað.

Glutenfrítt

Hvítleyks/persillu breyð

Tilfar

Rema glutenfrí mjølblanding til ljóst breyð
ella
125 g glutenfrítt havramjøl
125 g fínt majsmjøl (ikki groft sum polenta ella majsgrýn)
175 g eplamjøl
1 tsk. salt
6 dl lunka vatn
50 g ger
20 g fiberhusk
1 spsk hunang

Fylla

50 g bleytt smør
2 bátur av hvítleyki
1 persilluplantu
uml. ½ pakka av rivnum osti

Soleiðis gert tú

Fylg vegleiðingini á mjølblandingini, til deiggið er klárt
ella
Blanda turra tilfarið saman
Lat gerið loysast upp í vatninum og koyr síðani hunangin í.
Blanda síðani tað váta og turra saman og rør í uml. 10 min.
Lat deiggið ganga í 1 tíma.
Pressa hvítleykin og blanda saman við smørinum, so tað gerst til hvítleykssmør.
Legg deiggið á eitt bakipappír og rulla tað út í ein fýrakant uml. 40 x 40 cm. Brúka eitt sindur av eyka mjøli um deiggið klistrar í bakipappíri.
Smyr hvítleykssmørið á deiggið.
Sker persilluna fínt og stroy omaná.
Koyr síðani tann rivna ostin útyvir.
Sker deiggið í líka stórar fýrakantar og legg teir omaná hvønn annan, soleiðis at tað er fylla ímillum hvørt lag.
Koppa breyðtorninum, soleiðis at bakipappírið er rundan um breyðið og legg tað yvir í ein breyðform.
Legg eitt viskistykki útyvir og lat ganga í 30 min.
Baka síðani á 200 stigum í 30 min. við heitluft.
Lat kølna í uml. 20 min, áðrenn etið verður.

Prei

Um tú etur hana flógva, hóskar tað seg sera væl at blanda skyr, róma og vaniljusukur saman og hava afturvið.

Um Unn

Eg eiti Unn og búgvi í Keypmannahavn, har eg arbeiði við at tillaga talgildar loysnir til tørvin hjá brúkarunum.
Eg havi cøliaki/glutenviðkvæmi og havi tí gjørt bloggin glutenfrifoodie.dk, har tú kanst finna íblástur til góðan og leskiligan glutenfrían mat og bakstur.

Rabarbu-marsipan kaka

af | maj 24, 2019 | Glutenfri Foodie

Mmm…nakar annar, sum er líka glað/ur fyri rabarbur sum eg eri? Kanska ert tú ein av teimum hepnu, sum hevur rabarbur í garðinum? So er upplagt at gera hesa køkuna. Rabarba er ein av mínum yndis smakkum til køkur, tí hon gevur bæði ein søtan og súrligan smakk, akkurát sum mær dámar køkur best.

Glutenfrí

Rabarbu-marsipan køka

Tilfar

300 g rabarbur
125 g sukur
2 egg
150 g smør
2 tsk vaniljusukur
1 ½ tsk. bakipulvur
200 g marsipan
60 g glutenfrítt havramjøl
40 g eplamjøl

Soleiðis gert tú

Set ovnin á 175 stig/ heitluft.
Sker 200 g av rabarbunum í smáar bitar og 100 g av teimum í tunnar flísar.
Píska egg, sukur og vaniljusukur væl saman til tjúkt eggjaskúm, uml. 5-10 min.
Smelta smørið.
Blanda tað glutenfría havramjølið saman við eplamjølinum og bakipulvurinum.
Rív marsipanið í eggjaskúmið – eitt sindur í senn og rør inn í millum.
Koyr tey 200 grammini av rabarbum í blandingina og rør varliga.
Koyr síðani mjølblandingina og smeltaða smørið í, eitt sindur í senn, og rør varliga runt til alt er væl saman blandað.
Legg bakipappír í botnin á einum formi, sum er 24 cm diametur, smyr síðurnar við eitt sindur av smøri og stoyt deiggið í.
Legg nú varliga tær tunnu rabarbuflísarnar omaná og baka í uml. 45 min.

Til ber eisini at blenda vanligt havragrýn til mjøl, um man ikki hevur cøliaki.

Prei

Um tú etur hana flógva, hóskar tað seg sera væl at blanda skyr, róma og vaniljusukur saman og hava afturvið.

Um Unn

Eg eiti Unn og búgvi í Keypmannahavn, har eg arbeiði við at tillaga talgildar loysnir til tørvin hjá brúkarunum.
Eg havi cøliaki/glutenviðkvæmi og havi tí gjørt bloggin glutenfrifoodie.dk, har tú kanst finna íblástur til góðan og leskiligan glutenfrían mat og bakstur.

Sjokuláta mint køka

af | apr 8, 2019 | Glutenfri Foodie

Hesa kundi eg líka so væl kallað Fazermint køka, tí tað eri eg rættuliga vís í, at tað er tað tit fara at hugsa um, tá ið tit smakka hana. Hon er gjørd við tilfari, sum er lætt at fáa fatur á og so kann man eisini væl býta tað tilfar, sum inniheldur mjólkarúrdrátt, um við vøru, sum er mjólkafrí – td. soyaróma og plantusmør. Um man ikki hevur cøliaki, so kann man eisini brúka vanligt havramjøl (ella blenda havragrýn).

Sjokuláta mint køka

– til páskir ella aðra hugnaløtu

Køkubotnur (2 stk)
200 g smelta smør
225 g sukur
2 tsk vaniljusukur
3 egg
40 g eplamjøl
35 g glutenfrítt havramjøl
1 tsk bakipulvur
65 g kakaopulvur
Eitt lítið sindur av salti

Vanilju/mint mousse
50 g sukur
2 tsk vaniljusukur
2 past. eggjablommur
2,5 dl róma
4 husblas
2 tsk mint ekstrakt
0,5 dl róma

Sjokulátaglasur
100 g myrk sjokuláta
(ynskist meiri mintsmakkur, kann helvtin verða 50 g myrk sjokoláta við mintsmakki )
1 dl róma
30 g smør

Soleiðis gert tú

  • Set ovnin á 175 stig heit luft
  • Smelta smørið
  • Píska sukur, egg og vaniljusukur væl til tjúkkan eggjasnaps
  • Blanda mjølini saman við kakaopulvur, salt og bakipulvur og síla í eggjasnapsin
  • Koyr smørið í og rør alt varliga saman
  • Koyr í tveir rundar formar á 22 cm í diametur og baka í uml 20 min.
  • Lat kølna
  • Koyr husblas í ein bolla vid køldum vatni og lat standa í uml. 10 min.
  • Píska eggjablommur, sukur og vaniljusukur væl til tjúkkan eggjasnaps
  • Píska róman (ikki ov væl, skal ikki vera ov stívur)
  • Blanda róma og eggjasnaps saman
  • Hita róma (0,5 dl) saman vid mint ekstrakt, kroyst vatnið úr husblasinum og rør í inntil alt er upployst
  • Koyr 1 spsk av róma/eggjasnaps blandingini í husblas blandingina og rør væl. Ger hetta 3 ferð afturat og koyr síðani restina av blandingini í róma/eggjasnaps blandingina og rør saman.
  • Legg fyrsta botn í botnin á einum formi, sum er 22 cm í diametur, ið er fóðraður við køkufilmi ella bakipappíri og stoyt mousse omaná
  • Stilla køkuna í køliskápið í tveir tímar, legg síðani annan botnin omaná mousse og lat køkuna standa í uml 3 tímar aftur.
  • Sker sjokulátuna og smørið í bitar, hita róman til beint áðrenn kókipunktið, stoyt omanyvir og rør væl.
  • Tak køkuna úr forminum og stoyt sjokulátaglasurin omanyvir.

Um Unn

Eg eiti Unn og búgvi í Keypmannahavn, har eg arbeiði við at tillaga talgildar loysnir til tørvin hjá brúkarunum.
Eg havi cøliaki/glutenviðkvæmi og havi tí gjørt bloggin glutenfrifoodie.dk, har tú kanst finna íblástur til góðan og leskiligan glutenfrían mat og bakstur.