Konfekt

af | dec 10, 2018 | Glutenfri Foodie

Eg elski karamell, sjokulátu og keks saman, men tað kan vera ringt at finna hesa samanseting glutenfría. Mmm, tú fert at hava hug at gera hesar konfektbitarnar umaftur og umaftur, so væl smakka teir.

Gleðilig jól til tín frá mær!

Glutenfrí

Karamell- og heslinøtukonfekt

Keksabotnar
1 dl glutenfrítt havramjøl
1 dl eplamjøl
½ tsk salt
50 g hakkaðar heslinøtir
0,5 dl vatn
0,5 dl rapsolju

Karamell
200 g naturel rómaost
100 g flormelis
100 g kalt smør
1 tsk. vaniljusukur

Soleiðis gert tú

Keksabotnar
Set ovnin á 150 stig.
Blanda alt tilfarið til keksabotnin og elt til deiggið gerst fast og kann samlast í eina kúlu.
Rulla deiggið út millum tvey bakipappír, so at mátini eru uml. 18×28 cm
Baka í uml. 1 tíma og lat kølna á rist.

Karamell
Koyr sukurið á eina pannu og set á miðal hita.
Lat sukurið fáa frið til næstan alt er smelta og blivið til sirop.
Rør síðani í til øll sukurkorn eru upployst og alt er siroppur.
Koyr síðani smørið í og rør til alt smørið er smelta og næstan alt er blanda inn í siroppin/karamellið.
Koyr til síðst spakuliga róman í, meðan tú rørur væl.
Lat karamellið smákóka í uml 30 min, meðan tú rørur í av og á.
Lat karamellið kølna eina løtu, áðrenn tú koyrir tað omaná keksabotnin.

Samla konfektina
Smelta sjokulátuna.
Koyr karamellið omaná keksabotnin og smyr/toyggj tað út yvir hann, so tað dekkar allan botnin.
Smyr sjokulátuna útyvir alt karamellið.
Set nú kalt í uml ½-1 tíma og sker síðani í konfektbitar.

Skal goymast kalt.

Prei

Um man dámar væl saltkaramell, kan man koyra 1–2 tsk. av salti í karamellið, tá tað er liðugt kóka.

Um Unn

Eg eiti Unn og búgvi í Keypmannahavn, har eg arbeiði við at tillaga talgildar loysnir til tørvin hjá brúkarunum.
Eg havi cøliaki/glutenviðkvæmi og havi tí gjørt bloggin glutenfrifoodie.dk, har tú kanst finna íblástur til góðan og leskiligan glutenfrían mat og bakstur.

Ríssalat

af | okt 29, 2018 | Glutenfri Foodie

Miðmáli er tann máltíðin, sum eg haldi ofta kann vera torfør at finna glutenfrí hugskot til, um tað ikki bara skal vera breyð við viðskera. Men jú longri eg havi haft cøliaki, jú fleiri hugskot havi eg samlað saman, og hetta er eitt av teimum. Hetta ríssalatið er riggar væl bæði sum miðmáli og sum ein lekkur matpakkamáltíð.

Ríssalat

v/ osti og soppum

2 persónar

Tilfarslisti
2 dl parboiled og vilde ris
(3 dl vatn og 1 tsk. salt)
200 g soppar
150 g frystar grønar ertrar
15 cherrytomatir
2 lógvar av spinati
6 spsk av Ambrosi Italienskur rivin ostur
flaka salt og pipar

Soleiðis gert tú

Lat vatnið koma uppá kók, koyr rís og salt í og lat kóka undir loki í 20 min. á lágum hita. Sløkk hitan og lat standa í 10-15 min. við lokinum á.
Koyr eitt sindur av olju á pannuna og steik soppar og ertrar á miðal hita og krydda við salt og pipari.
Blanda rís, soppar og ertrar saman og koyr rivna ostin í, eitt sindur í senn, og blanda væl saman.
Skola spinatið, sker cherrytomatirnar í helvt og blanda saman við restini.
Krydda til síðst við eitt sindur av flaka salti.

Prei

Glutenfríir grovbollar rigga væl afturvið.

Um Unn

Eg eiti Unn og búgvi í Keypmannahavn, har eg arbeiði við at tillaga talgildar loysnir til tørvin hjá brúkarunum.
Eg havi cøliaki/glutenviðkvæmi og havi tí gjørt bloggin glutenfrifoodie.dk, har tú kanst finna íblástur til góðan og leskiligan glutenfrían mat og bakstur.

Súrepla trifla

af | sep 24, 2018 | Glutenfri Foodie

Tá man hevur cøliaki kan man ikki eta tær vanligu makrónunar ella makrónraspið, sum man kann keypa í matvøruhandlunum, tí oftast er gluten í. Eg havi tí valt at gjørt eina uppskrift hesa ferð, fyri at vísa hvussu lætt man kan gera glutenfríar makrónur og müsli, ið kann nýtast sum køkurasp.

Glutenfrí

Súrepla trifla

TILFAR
Súreplamos
1 kg súreplir
1 dl vatn
65 g sukur
1 tsk vaniljusukur

Müsli
3 dl glutenfrítt havragrýn
1 dl mandlur
2 spsk kokusolja
2 spsk hunang
1 tsk vaniljusukur

Makrónur
55 g mandlur
1 eggjahvíti
75 g sukur
75 g flormelis

Rákrem
3 eggjareyðar
2 spsk sukur
1 spsk flormelis
2,5 dl róma
1 tsk vaniljusukur

 

Soleiðis gert tú

Súreplamos

  1. Skola súreplini og sker tey í smáar fýrakantar.
  2. Koyr súreplini í eina stóra grýtu saman við hinum súreplamos- tilfarinum og lat kóka í uml. 25 min.
  3. Blenda greytin við stavblendara og lat kólna.

Makrónir

  1. Blenda mandlurnar í foodprocessara.
  2. Koyr restina av makrónutilfarinum í og blenda uml. ½ – 1 min. til alt er væl samanblandað.
  3. Koyr deiggið í posa og sproyta smáar rundingar á bakiplátu klødd við bakipappíri.
  4. Baka á 150 stigum, heit luft, í uml 25 min. Lat kólna á rist.

Müsli

  1. Smelta kokusolju og hunang á pannu á miðal hita.
  2. Hakka mandlurnar og koyr á pannuna saman við havragrýni og vaniljusukri.
  3. Tak av hitanum og lat kólna, tá alt er væl samanblandað og verið á pannuni í uml. 5 min.

Rákrem

  1. Píska róman stívan.
  2. Píska eggjareyðar, sukur, florsukur og vaniljusukur væl, til tjúkt skúm og blanda saman við pískaða rómanum.

Samla trifluna
Legg trifluna saman, við at leggja súreplamos, müsli, knústar makrónir í eitt ella fleiri løg og enda við rákremi omaná.

Prei

Súreplamosið smakkar eisini sera væl saman við jogurti og müsli til morgunmat.

Um Unn

Eg eiti Unn og búgvi í Keypmannahavn, har eg arbeiði við at tillaga talgildar loysnir til tørvin hjá brúkarunum.
Eg havi cøliaki/glutenviðkvæmi og havi tí gjørt bloggin glutenfrifoodie.dk, har tú kanst finna íblástur til góðan og leskiligan glutenfrían mat og bakstur.

Jarðberjaterta

Jarðberjaterta

af | aug 24, 2018 | Glutenfri Foodie

Eg elski jarðber og hendan jarðberjatertan er ein av mínum yndiskøkum, sum eg ofta geri tá okkurt lekkurt skal á borðið. Tað er ein mazarinbotnur, ið er bleytur og lekkur, og hann er smurdur við sjokulátu, køkukremi og jarðberum omaná – MUMS!

Glutenfrí

Jarðberjaterta

TILFAR
150 g mandlur
100 g uttan skal
50 g við skali
200 g bleytt smør ella kalt plantumargarin
200 g sukur
3 egg
65 g eplamjøl
50 g flormelis
100 g myrk sjokuláta
500 g jarðber
1 posa køkukrem frá Dr. Oetker (tað er glutenfrítt)
5 dl mjólk til at blanda í køkukremspulvurið
1 dl róma

 

Soleiðis gert tú

  1. Tendra ovnin á 150 stig fyrst.
  2. Koyr 100 g av mandlum í eina skál, koyr kókað vatn útyvir til tað dekkar mandlurnar og lat standa í 3-5 min. Endurtak einaferð avtrat.
  3. Koyr vatnið úr skálini og tak skalið av mandlunum. Legg mandlurnar í eitt fat og koyr í ovnin í 10-15 min., til mandlurnar eru heilt turrar. Lat tær kólna við at leggja tær í frystiboksina eina løtu (uml. 10 min).
  4. Set ovnin á 180 stig.
  5. Blenda nú mandlurnar, uttan skal og tær við skali, í blendara til mjøl.
  6. Koyr florsukurið og sukur í blendaran og blenda aftur til alt er væl saman blandað, bara nøkur fá sekund, ikki neyðugt meir enn tað.
  7. Rør mandlumjølið saman við smørinum/plantumargarininum til tað er væl blandað.
  8. Píska 1 egg í blandingina so hvørt.
  9. Síla mjølið í deiggið og rør varisliga runt.
  10. Koyr deiggið í ein smurdan tertuform (uml. 30 cm diametur) og baka í 25 – 30 min. Lat kólna í 20 min.
  11. Smelta sjokulátu, smyr útyvir botnin og stilla botnin í køliskápið til sjokulátan er stívnað. Ger køkukrem og jarðber klár ímeðan.
  12. Rør mjólkina við pulvurinum frá einum posa av køkukrempulvuri og lat standa í 20 min. í køliskápinum. Píska róman ímeðan og rør hann saman við køkukreminum tá 20 min. eru farnir.
  13. Sker jarðberini í flísar og byrja at leggja jarðberjaflísarnar uttast á køkuni og so í ring inn móti miðjuni.

Prei

Um man hevur smáar formar ber eisini til at gera smáar tertur. Tað fáast uml. 10-12 tertur burturúr hesum deigginum, um man hevur tertuformar, sum eru 8 cm í diametur.

Um Unn

Eg eiti Unn og búgvi í Keypmannahavn, har eg arbeiði við at tillaga talgildar loysnir til tørvin hjá brúkarunum.
Eg havi cøliaki/glutenviðkvæmi og havi tí gjørt bloggin glutenfrifoodie.dk, har tú kanst finna íblástur til góðan og leskiligan glutenfrían mat og bakstur.

Clubsandwich

Clubsandwich

af | jul 25, 2018 | Glutenfri Foodie

Hendan tvíflísin er sera væl egnað til tann góða matpakkan, tá summardagarnir vera brúktir til góðar útferðir, telttúrar ella bara ein góðan gongutúr út í hagan. Dagurin gerst bara eyka góður tá man veit at ein góður matpakki bíðar einum.

Glutenfríur

Clubsandwich

TILFAR
10 tvíflís breyð
5 dl lunka vatn
150 g rivnar gularøtur
2 spsk fiberhusk
0,5 dl hørfræ
1 dl sólblómukjarnur
3 egg
1 dl olivenolja
1 spsk æblecideredikk
1,5 tsk hunang
1 tsk salt
200 g majsmjøl
150 g eplamjøl
50 g glutenfrítt havramjøl
50 g glutenfrítt havragrýn
1 tsk turrger

4 Club tvíflísir
4 tvíflísbreyð
2-3 stórar høsnarungabringur
1/2 reyðleyk skorin í tunnar ringar
2 tomatir skornar í flísar
1 hjartasalat
súltaðar agurkur
ca. 1/2 til 1 pk. flesk

Kryddlaki
1 spsk dijon sinnopp
1 spsk olivenolju
1 hvítleyksfet
1/2 tsk. timian
salt og pipar

Dressingur
1/2 fínt rivnan reyðleyk
4 spsk súrróma
2 spsk majones
2 tsk. karry
1/2 tsk. sukur
eitt dism av salti

 

Soleiðis gert tú

Tvílfís breyð

  1. Blanda vatn, gularøtur og fiberhusk saman og rør væl og skjótt. Koyr fræ og kjarnur í og rør aftur væl.
  2. Koyr síðani egg, olivenolju, hunang, æblecideredikk og salt í og rør í uml. 3 min.
  3. Blanda øll mjøl, havragrýn og turrger væl saman; koyr í deiggið og rør í uml. 10 min.
  4. Lat ganga í 2 tímar.
  5. Set ovnin á 250 stig.
  6. Koyr glutenfrítt havramjøl ella majsmjøl út á borðið og legg deiggið omaná.
  7. Trýst deiggið flatt til uml. 3 cm. hædd og sker deiggið í fýrakantar.
  8. Tak nú ein fýrakant ísenn, legg á bakiplátu klødd við bakipappíri og trýst hann flatan til uml. 1,5 cm hædd.
  9. Baka í 10 min. á 250 stigum, set hitan niður á 200 stig og baka víðari í uml. 20 min.
  10. Lat breyðini kólna í uml. 1/2 tíma, áðrenn tú skerur í tey.

Club tvíflís

  1. Sker høsnarungabringurnar tvørturum, soleiðis at ein bringa blívur til uml. 3 tunnar bringur.
  2. Blanda tilfarið til kryddlakan, legg høsnarungan í og lat standa í ½ tíma.
  3. Steik fyrst fleskið broyski og síðani høsnarungabringurnar á pannuni í uml. 4 min á báðum síðum.
  4. Blanda tilfarið til dressingin.
  5. Samla tvíflísina við at smyrja breyðini við dressinginum og fyll tvíflísina við høsnarungabringu(m), fleski, leyki, salatbløðum, tomat og súltaðum agurkum.

Prei

Hugskot til aðra tvíflís fyllu er tunmousse ella laksamousse og deiggið kann eisini brúkast til bollar, sum kunnu bakast á sama hita og somu tíð, bara forma til bollar ístaðin fyri tvíflís.

Um Unn

Eg eiti Unn og búgvi í Keypmannahavn, har eg arbeiði við at tillaga talgildar loysnir til tørvin hjá brúkarunum.
Eg havi cøliaki/glutenviðkvæmi og havi tí gjørt bloggin glutenfrifoodie.dk, har tú kanst finna íblástur til góðan og leskiligan glutenfrían mat og bakstur.

Glutenfrí müslibrot

Glutenfrí müslibrot

af | jun 18, 2018 | Glutenfri Foodie

Hesi glutenfríu müslibrotini eru perfekt til tí lítlu svongdina, til matpakkan ella sum eitt sunnari val tá man hevur hug til okkurt søtt. Tey eru løtt at gera og smakka sera væl. Um man dámar betri aðrar nøtir og kjarnur enn heslinøtir og graskarkjarnur, so kunnu tær sagtans býtast um við aðrar, bara í somu mongd. Sama er galdandi fyri berini.

Sunnari

glutenfrí müslibrot

TILFAR
100 g kokusolja
50 g hunangur ella ahornsirop
2 tsk vaniljusukur
200 g glutenfrí havragrýn
75 g heslinøtir
60 g tranaber
0,5 dl graskerkjarnur
eitt dism av salti

 

Soleiðis gert tú

  1. Set ovnin á 175 stig.
  2. Koyr heslinøtirnar i eitt fat og set í ovnin í uml. 10 min.
  3. Koyr síðani nøtirnar i eitt fat við loki og rist væl, til tú sært at næstan alt skalið av heslinøtunum er farið av.
  4. Hakka heslinøtirnar groft.
  5. Set eina grýtu á lágan hita og koyr kokusolju, hunang og vaniljusukur í.
  6. Tá alt er smelta koyrir tú havragrýn, hakkaðu heslinøturnar, graskarkjarnur, tranuber og salt í og rør væl, soleiðis at kokusolja og hunangur er blanda væl saman við restini av tilfarinum.
  7. Koyr bakipapír í ein form (eg brúkti 26×15 cm), koyr müslibrotblandingina í og pressa blandingina flata, soleiðis at hon er javnt býtt út í forminum.
  8. Baka á 125 stig í uml. 1 tíma.
  9. Lat kølna í 15 min. á rist, og sker út í stykkir. Kann halda sær í uml. 1 viku í køliskápi.

Prei

Um tað skal gerast eyka søtt, so er eisini lekkurt at koyra smáar sjokuláta knappar í, ístaðin fyri turkaða frugt ella smelta nougat yvir vatnbað og síðani stoyta tað omaná tá müslibrotini eru bakað.

Um Unn

Eg eiti Unn og búgvi í Keypmannahavn, har eg arbeiði við at tillaga talgildar loysnir til tørvin hjá brúkarunum.
Eg havi cøliaki/glutenviðkvæmi og havi tí gjørt bloggin glutenfrifoodie.dk, har tú kanst finna íblástur til góðan og leskiligan glutenfrían mat og bakstur.