Jólakøkumaður

Jólakøkumaður

Heimagjørdur jólakøkumaður

v/vatndeiggi (vandbakkelse)

Júst henda dagin fekk eg onga reyða fruktfarvu. Tískil brúkti eg reytt fondant ístaðin, sum eg rullaði út og skar til, so tað passaði til nissuhúgvuna og nissubuksurnar.) Men her hevði hóskað seg at nýtt reyðan glasur ístaðin.

Tilfar
150 g smør
4 dl vatn
200 g mjøl
2 tsk sukur
5-6 egg

Rómi
Reyða og hvíta fruktfarvu
Flormelis
Góðgæti til prýði

Arbeiðsháttur
Set ovnin á 200 stig.

Hita smør og vatn í einari grýtu til tað er smeltað. Koyr síðani sukur og mjøl í blandið, ímeðan tú rørir.

Tak nú grýtuna av plátuni, koyr deiggið í ein bolla og lat tað kólna eina løtu.

Koyr síðani eitt egg í blandið í senn og píska væl ímillum.

Tak nú eina bakiplátu fram og legg bakipappír omaná. Tekna formin av jólamanninum á bakipappírið og legg deiggið á innan fyri linjurnar.

Baka nú mitt í ovninum í 30 minuttir og lat síðani jólamannin kólna, áðrenn tú byrjar at pynta.

 

Prei

Tú kanst prýða við tí tú ynskir. Rómin “smeltar” aftaná nakrar tímar, so eitt hugskot kundi verið at brúkt skúmgæti (marshmallows) ístaðin, saman við øðrum góðgæti til prýði.

Um Vígdis

Vígdis er 28 ára gomul og býr í løtuni í Aarhus, har hon lesur sálarfrøði. Við síðuna av lesnaðinum hevur hon bloggin SukurSøtt, ið er á tremur við kreativum hugskotum og leskiligum uppskriftum.

Jólakøkumaður

Heimagjørdur jólakøkumaður...

Pastarestir

Restir úr pasta/spagetti...

Hokkaidosuppa

Kremut hokkaidosuppa Nú...

Høsnarungarestir

Høsnarungarestir á...

Bananísur

Bananísur við tilhoyri Eg...
Pastarestir

Pastarestir

Restir úr pasta/spagetti

Dugir nakar at kóka júst røttu mongdina av spagetti? Nei ha? Tað er í hvussu er hjá nógvum, at ein rúgva loypur av. Við hesari uppskriftini kanst tú nýta spagettiavlopið saman við øðrum góðum, tú eigur í køliskápinum. Eg vildi mett, at mest umráðandi tilfarið umframt spagetti er pikant rómaosturin og frísku basilikum bløðini. Tú kanst fylgja hesari uppskriftini, ella tú velur at lata hugflogið avgera restina.

Tilfar til 4 fólk
200 g spagetti
200 g pikant rómaost
100 g skinkustrimlar
10 sjerrytomatir
2,5 dl róma til matgerð
2 egg
1 reyðleyk
3 pungar hvítleyk
Frískt basilikum
Rivnan ost
Salt, pipar og hvítleykspipar

Arbeiðsháttur
Set ovnin á 200° við luft.

Smyr eitt eldfast fat við eitt sindur av olju og legg spagetti í fatið.

Sker reyðleykin, sum tú ynskir hann. Rør eggini saman í einum bolla og rør síðani pikant ostin saman við.

Koyr síðani róman, leykin og hvítleykin í bollan og rør eisini kryddaríini í.

Legg skinkustrimlar og tomatir omanyvir spagetti og stroy eggjablandið javnt omanyvir.

Stroy eitt sindur av rivnum osti á og set fatið mitt í ovnin í 20-30 minuttir.

Prei

Borðreið við einari góðari salat og breyði.

Um Vígdis

Vígdis er 28 ára gomul og býr í løtuni í Aarhus, har hon lesur sálarfrøði. Við síðuna av lesnaðinum hevur hon bloggin SukurSøtt, ið er á tremur við kreativum hugskotum og leskiligum uppskriftum.

Jólakøkumaður

Heimagjørdur jólakøkumaður...

Pastarestir

Restir úr pasta/spagetti...

Hokkaidosuppa

Kremut hokkaidosuppa Nú...

Høsnarungarestir

Høsnarungarestir á...

Bananísur

Bananísur við tilhoyri Eg...
Hokkaidosuppa

Hokkaidosuppa

Kremut hokkaidosuppa

Nú byrjar man at merkja kuldan, og hvat er tá betur enn ein góð suppa! Hendan hóskar seg bæði sum ein lættur rættur á middegi og sum forrætt ella høvuðsrætt. Tað kann tykjast møtumikið at fara í gongd, men av tí at skalið eisini kann etast, er hetta ein skjótur rættur at gera.

Tilfar
1 hokkaido graskar
1 leyk
2 hvítleykspungar
1 litur vatni
1 grønmetisbótarmola
200 g rómaost
Krydda við salti, pipari og chili
Súrróma og breyð afturvið

Arbeiðsháttur

  • Reinsa graskarið og tak steinarnar burtur. Lat skalið verða á og sker graskarið í miðalstór stykkir
  • Brúnka leykin og hvítleykin í einari grýtu og koyr síðani graskarstykkini í
  • Koyr vatnið og bótarmolan í grýtuna, og lat kóka í áleið 20 minuttir
  • Blenda nú suppuna, so hon fær ein bleytan konsistens
  • At enda koyrir tú rómaostin í, letur hann smelta og smakkar til við kryddaríum

Nú er klárt at borðreiða við hesum vælsmakkandi heystrættinum.

Um Vígdis

Vígdis er 28 ára gomul og býr í løtuni í Aarhus, har hon lesur sálarfrøði. Við síðuna av lesnaðinum hevur hon bloggin SukurSøtt, ið er á tremur við kreativum hugskotum og leskiligum uppskriftum.

Jólakøkumaður

Heimagjørdur jólakøkumaður...

Pastarestir

Restir úr pasta/spagetti...

Hokkaidosuppa

Kremut hokkaidosuppa Nú...

Høsnarungarestir

Høsnarungarestir á...

Bananísur

Bananísur við tilhoyri Eg...

Grønmetissúpan

Grønmetissúpan við brokkoli...

Høsnarungarestir

Høsnarungarestir

Høsnarungarestir á steikipannuna

Tað er neyvan bara hjá okkum, at høsnarungi ofta er eftir frá sunnudagsdøgurðanum. Við hesum rættinum fært tú brúkt restirnar og har við gjørt ein lættan og leskiligan rætt.

Høsnarungin og søteplini eru týdningamiklastu rávørurnar í hesum rættinum, men eigur tú ikki søtepli inni, sober til at verða kreativ/ur við øðrum tilfari. Minst bara altíð til at smakka til, áðrenn tú borðreiðir.

Tilfar til 4 persónar
4 søtepli
Olju
Restir av høsnarunga (svarar til 3-4 bringur)
3 pungar av hvítleyki
1-2 leykir
2 leim
200 g av svørtum bønum
Cherrytomatir
Frískt koriander
Frískt persillu
Krydda við salti, pipari, oregano og kili

Arbeiðsháttur

  • Flys søteplini og sker tey í terningar
  • Steik tey á pannuni við olju í 5 minuttir
  • Sker høsnarungastykkini í smærri bitar og steik teir á pannuni saman við hvítleykinum
  • Koyr síðani leykin og tomatirnar á pannuna og steik í 4 minuttir
  • Til seinast koyrir tú kókaðu bønirnar á pannuna saman við koriander og persillu

Nú er bert eftir at smakka rættin til við kriddaríum, áðrenn tú borðreiðir.

Prei

Um tær dámar sterkar rættir, so riggar tað væl at koyra frískt kili í rættin.

Um Vígdis

Vígdis er 28 ára gomul og býr í løtuni í Aarhus, har hon lesur sálarfrøði. Við síðuna av lesnaðinum hevur hon bloggin SukurSøtt, ið er á tremur við kreativum hugskotum og leskiligum uppskriftum.

Jólakøkumaður

Heimagjørdur jólakøkumaður...

Pastarestir

Restir úr pasta/spagetti...

Hokkaidosuppa

Kremut hokkaidosuppa Nú...

Høsnarungarestir

Høsnarungarestir á...

Bananísur

Bananísur við tilhoyri Eg...

Grønmetissúpan

Grønmetissúpan við brokkoli...

Bananísur

Bananísur

Bananísur við tilhoyri

Eg havi sjálv lyndi til at keypa alt ov nógvar bananir….og frukt í heila tikið. Áðrenn eg veit av, so hava tær ligið ov leingi, og enda tí alt ov ofta í skrellispannini. Synd, ha?

Nú havi eg funnið eina loysn, ið tit eisini kunnu fáa gagn av, so vit í felag kunnu sleppa undan hesum trupulleikan. Tað er so smart, at bananir kunnu frystast og so blíva til ein lekkran ís.

Tilfar til Bananís
Búnar bananir
Sjokulátu
Saft av appilsin
Vaniljusukur
Keks

Arbeiðsháttur
Sker nakrar búnar bananir í tunnar skivar, koyr tær í ein frystiposa og legg tær í frystiboksina í minst tveir tímar. Tilhoyr og tað, ið tú blandar uppí ísin, er eftir egnum ynski. Tað, ið eg havi brúkt er sera einfalt, tó vælsmakkandi.

Tak bananskivurnar úr frystiboksini og koyr tær í ein minihakkara saman við eitt sindur av appilsinsaft og vaniljusukri. Tá hetta er blivið til ein samlaðan ískendan konsistens, koyrir tú hakkaðu sjokulátuna í og rørur. Legg eitt lag av keks í botnin av hvørjum glasi og síðan ísin omanyvir. Pynta við onkrum, ið tú eigur inni s.s. frukt, keks, nøtur, róma ella góðgæti.

Prei

Hetta er ein løtt og lekkur dessert til summarið og kann gerast við alskyns tilhoyri.

Um Vígdis

Vígdis er 28 ára gomul og býr í løtuni í Aarhus, har hon lesur sálarfrøði. Við síðuna av lesnaðinum hevur hon bloggin SukurSøtt, ið er á tremur við kreativum hugskotum og leskiligum uppskriftum.

Jólakøkumaður

Heimagjørdur jólakøkumaður...

Pastarestir

Restir úr pasta/spagetti...

Hokkaidosuppa

Kremut hokkaidosuppa Nú...

Høsnarungarestir

Høsnarungarestir á...

Bananísur

Bananísur við tilhoyri Eg...

Grønmetissúpan

Grønmetissúpan við brokkoli...

Grønmetissúpan

Grønmetissúpan

Grønmetissúpan við brokkoli

Tá vikan er um at halla og køliskápið treingir til at tømast, er altíð lekkurt við súpan. Tú kanst koyra alt grønmeti í, so sum hvíttkál, piparfrukt, aubergine, blómkál, gularót, epli, brokkoli og mangt annað.

Mest umráðandi er, at tú smakkar til við kryddaríum.

Til júst hesa súpanina er brokkoli høvuðstilfar.

Tilfar til tveir persónar
1 brokkoli
5 gularøtur
2 stórir leykir
5 fed av hvítleyki
4 epli
0,8-1 l av vatni
2 grønmetis bótarmolar
Salt
Pipar
Kili
Oregano

Tilhoyr
Steikt flesk, súrróma, snerktar breyðbitar o.a.

Sker grønmetið og eplini í smáar bitar og legg tað í eina stóra grýtu. Koyr vatnið og bótarmolarnir í og lat kóka í umleið 15-20 minuttir.

Brúka síðani stavblendaran, so grønmetið verður blendað og fær ein bleytan konsistens. Smakka til við kryddaríum. Um tú eigur eitt sindur av róma, so riggar tað væl at koyra í.

Nú er klárt at borðreiða.

Prei

Sum tit síggja á myndini, so ber til at borðreiða við ymiskum pynti, til dømis persillu ella øðrum frískum kryddurtum.

Um Vígdis

Vígdis er 28 ára gomul og býr í løtuni í Aarhus, har hon lesur sálarfrøði. Við síðuna av lesnaðinum hevur hon bloggin SukurSøtt, ið er á tremur við kreativum hugskotum og leskiligum uppskriftum.

Jólakøkumaður

Heimagjørdur jólakøkumaður...

Pastarestir

Restir úr pasta/spagetti...

Hokkaidosuppa

Kremut hokkaidosuppa Nú...

Høsnarungarestir

Høsnarungarestir á...

Bananísur

Bananísur við tilhoyri Eg...

Grønmetissúpan

Grønmetissúpan við brokkoli...